6 ways to have more fun this Christmas Season

Christmas is not a holiday it’s a feeling. It’s a feeling that remind us of snow, hot chocolate, warm sweaters, Christmas tree, gifts and people we love. Christmas it’s a season of love, warmth, fun and joy. So here are for you 6 ways to make the upcoming Christmas season even more fun and enjoyable.

 1. Make hot cocoa and spend time with your loved ones

There is a study that says chocolate produce the mood-elevating substance of serotonin – also known as the happiness hormone. So on a cold days you can make a hot cocoa and spend some time with the people you love. Tell jokes, laugh on old memories, take photos and just celebrate life.

2. Give yourself a gift

Christmas is a season of gifts. And we all know that it’s not about the gifts, it’s about the feeling we get giving or receiving a gift. There is a saying that goes like this “Giving is what separates man from beast”. Giving gifts it’s a way to celebrate life, love and friendship. Even though is good to buy gifts for others, from time to time we should buy sometimes for us too. It will make us feel good. So choose for yourself something nice this Christmas season. A mug with Santa, beautiful sweater or cozy and sexy lingerie from our Eros shop. You deserve it.

3.Bake something

Christmas also can be translated as – delicious food. There is something satisfying in eating delicious food on a cold day. With all the food blogs and youtube channels nowadays it’s very easy to find your ideal recipe for cherry cakes, creamy soups or cranberry sausages. You can do it with people you love and in that way it will be more fun and it can bring you more closer.

4. Dinner date with your love

Good food, candles, slow music, bottle of wine and bae. The best combo for a calm and romantic winter date with the person you love in the coziness of your home. It’s the perfect way to make good memories with your bae.

5. Watch a Christmas movie.

What is better than cuddles up on the couch with blankets and cocoa watching Christmas movies. That’s what is Christmas all about. Enjoy.


6. Random acts of kindness

Christmas is also a season of love and random acts of kindness. Tell someone that means to you that you love them, be kind to the people you don’t know, collect clothes you don’t wear anymore, toys, food and donate them to families in need. Those who are the happiest are those who do the most for others.

Стоп за насилство врз жените

Во светски рамки една од три жени искусиле насилство во животот. Тоа се 800 милиони жени во светот. Во една минута се злоставуваат 127 жени а додека ја читате статијава над триста мажи во светот ќе кренат рака на некоја жена. Тоа се нечии мајки, сестри, ќерки, пријателки. Тоа се луѓе како мене и тебе.

Приказната за еден маж кој доаѓа дома пијан и ја тепа својата жена започнува многу порано од колку што мислите. Многу порано пред тие двајцата да се запознаат. Започнува кога мажот е се уште момче на дванаесет години и ја гледа мајка си како ги мие садовите, прави ручек, ја чисти куќата, ги простира алиштата додека татко му седи на софата и гледа фудбал на телевизорот. Започнува кога тоа исто момче ќе дојде дома расплакано бидејќи соседот му ја избушил топката и татко му ќе му каже “биди маж, не плачи, само жените плачат.” Започнува денот кога едно момче ќе поверува, или да бидеме попрецизни ќе го научат, дека мажот е надреден и дека жените се помалку вредни. Мажот не се буди еден ден и решава да ја тепа жена си или да се однесува насилно спрема жените туку е научен уште од мали нозе дека има право на тоа и дека мажите се над жените. Приказната за насилството врз жените започнува со погрешна едукација на децата. Учејќи ги нашите деца индиректно влијаеме на создавањето на светот без разлика дали тоа го првиме свесно или несвесно. Затоа, едуцирајте ги своите деца правилно. Научете ги дека мажот и жената се еднакви битија кои уживаат исти права.


Сексуално вознемирување, семејно насилство, демнење, силување, присилна проституција се најчестите видови на насилство врз жената. Само 40% од злоставуваните жени собираат храброст да побараат помош. Останатите 60% проценти не го прават тоа поради срам, некои бидејќи не сакаат да поминуваат повторно низ траумата, некои од страв, некои поради тоа што не веруваат дека тоа ќе смени нешто а некои бидејќи со трпење на насилство цел живот на крајот поверувале дека тоа така мора да биде. Злоставуваната жена која го чита ова сакам да знае дека не е сама. Милиони жени ширум светот се соочуваат со истово и не е срам да се побара помош. Имаш право на тоа, имаш право на слободен и мирен живот. Денес постојат многу организации за заштита на жената од насилство кои пружаат помош на жените на кои им треба. Направи го првиот чекор и крени ја слушалката и јави се на националната СОС линија на 02 15 700. Не си сама.

Ова е порака и до оние луѓе кои постојано слушаат викотници и удари од станот над нив, кои забележуваат дека колешката на работа постојано доаѓа со модрици на лицето и телото, кои на некој начин се сомневаат дека зад нечии затворени врати се случува насилство врз некоја жена. Не ја вртете главата на страна, не помислувајте дека не е ваша работа да се мешате, не останувајте слепи и глуви пред ваквите работи. Кога веќе таа жена не може пријавете го насилството вие. Имате должност да го направите тоа. Не бидете соучесници.

Само ако ги едуцираме нашите деца правилно, ако не ги вртиме главите на другата страна пред насилство и ако ја подигнеме свеста дека насилството врз жената постои и има начини да го спречиме истото само така ќе создадеме свет во кој жената која носи краток фустан не значи дека самата си го бара, свет во кој на жената не и е страв да си оди сама накај дома и свет во кој жените живеат мирен живот без страв од насилство.

 

Не си сама – Национален месец за подигнување на свеста за ракот на дојка

На секои 120 секунди во светот една жена е дијагностицирана со рак на дојка. Според статистиките, една од осум жени во својот живот ќе заболи од рак на дојка. Тоа може да и се случи на некоја ваша пријателка, на ваша сестра, мајка, сосетка. Најлошите зборови кои може некој да ги слушне во животот се “Имаш рак”. Борбата со оваа болест е напорна и тешка но големи се шансите за позитивен исход доколку рано се детектира и третира. Рак на дојка е најраспространет вид на рак меѓу жените и зема се поголем замав. Жени од секој крај на светот се соочуваат со оваа болест. Се чини дека свеста за оваа болест не е доволно распространета бидејќи бројот на жртвите кои оваа болест ги зема со себе има 5 цифри. И од година во година бројката видно се зголемува. Ние од ЕРОС како продавница за долна облека се залагаме жените да изгледаат убаво, да се облекуваат убаво и да се чувствуваат убаво во сопствената кожа. Но покрај ова сакаме и да ги подржиме сите жени во светот кои се соочуваат и борат со оваа оваа болест. Поради таа причина ЕРОС ја отвара оваа кампања со која ќе се покаже подршка за сите жени засегнати од рак на дојка.

Тимот на ЕРОС собра повеќе податоци од кои можете да се информирате оваа тема. За нив прочитајте во продолжение.

Како се дефинира ракот на дојка?

Ракот на дојката претставува абнормален раст и неконтролирана делба на клетките во дојките. Овие малигни клетки на ракот формираат маси (тумори), кои ги напаѓаат и уништуваат околните здрави ткива. Рак на дојка е втор најчест тип на рак кај жените после рак на кожа. Рак на дојка може да се појави и кај мажите иако тоа се случува поретко.

Фактори кои го зголемуваат ризикот од добивање на болеста се: стареење, семејна историја на рак на дојка, недоволна физичка активност, прекумерна тежина, лоша исхрана, прекумерно пиење на алкохол и сл.

Како може да направите самопреглед дома?

Самопрегледот можете да го изведете во следниве неколку чекори:

Најпрвин, чувствувајте ги вашите гради и барајте нови чудни промени. Набљудувајте го нивниот облик, градба, боја. Потоа застанете пред огледало и користејќи го показалцеот, средниот прст и домалиот прст направете притисок во кружни движења. Почнете од линијата под пазувите, потоа преминете на градите и завршете кај клучната коска во едно кружно движење. Ова пробајте го во најразлични пози (легнати, наведнати, подгрбавени, со едната рака крената.) Што е она што го барате или кои се симптомите? Болна или безболна грутка во градите, промена на големина и форма на брадавиците, промена на кожата на градите, секреција на брадавицата или течност која излегува од брадавицата.
Самопрегледот правете го барем еднаш месечно.

Останати активности кои можете да ги преземете се:

-да одите редовно на лекар и да правите редовно мaмографија;
-ако забележите некои промени не чекајте туку веднаш известете го лекарот;
-истражувајте и запознајте се убаво со своето тело;
-охрабрете ги членовите од семејството и вашите пријателки да го направат истото;
-раширете ја пораката.

Направете самопреглед или мамографија уште денес. 85% од случаевите на рак на дојка се кај жени кои немале никаква семејна историја на рак на дојка, жени кои никогаш не ни помислиле дека такво нешто може баш на нив да им се случи. Раното откривање може да ви го спаси животот. Знајте дека не сте сами. На интренет можете да најдете и да прочитате приказни за жени кои го поминале овој пат и го преживеале. Вие го можете ова!
Самопрегледувајте се, чувствувајте си ги градите, одете редновно на лекарски преглед, ширете ја веста на повеќе жени и девојки и бидете подршка на оние на кои најмногу им треба. Само така ќе ја промениме лошата статистика и само така ќе извојуваме победа во уште една битка со животот.

По повод месецот на рак на дојка 5% од средствата овој месец ЕРОС ќе ги донира во БОРКА. БОРКА е македонско здружение за борба против ракот.

075228899 е бројот на кој можете да се јавите и да пружите подршка и помош на болните од рак.

 

Вашата ЕРОС фамилија

 

Како да им помогнете на вашите блиски кои се соочуват со нарушено ментално здравје

Пријателите, колегите и семејството се неминовно составен дел од животот на секој поединец. Со нив ја споделуваме среќата но со нив ја споделуваме и тагата. Во некои денови тие ќе бидат наша подршка. Во други денови пак ние ќе треба да бидеме тука за нив. Не е воопшто лесно да гледаш како некој кој ти значи поминува низ тежок период и се соочува со здравствени проблеми. Наша должност е да бидеме покрај таа блиска личност и да и помогнеме. Но не секогаш тоа е лесно и едноставно бидејќи ние не поминуваме низ истото и не ги гледаме работите со исти очи. Ако познавате некој близок пријател, колега, член од семејството кој поминува низ тежок период, кој се соочува со стресни моменти или едноставно имате такво претчувство бидејќи некои личности не сакаат да зборуваат за своите проблеми, во тој случај има повеќе работи кои можете да ги направите за да им помогнете. Еве некои од нив.

Кажете и на личноста дека сте тука и дека може да смета на вашата помош. Давајќи и до знаење на личноста дека сте тука таа може да се опушти и да ги сподели со вас проблемите и мислите кои ја измачуваат.

Однесувајте се како и вообичаено. Ако почнете да се однесувате на поинаков начин личноста може да се изолира и да се оддалечи. Правете работи што вообичано ги правите. Излезете на кафе, на вечера, одете на прошетка, гледајте филм, пишувајте си пораки. На овој начин ќе и го олесните на личноста нејзиното “враќање во нормала.”

Понудете се да ја ислушате личноста. Слушањето е една многу драгоцена особина која не сите ја имаат. На многу луѓе всушност тоа и им недостига. Да бидат ислушани и разбрани. Понудете се да ја ислушате личноста и не ја прекинувајте додека зборува. Оставете ја да се искаже. На тој начин ќе ја дознаете целата верзија на приказната и ќе знаете како подобро да и помогнете.

Не ја форсирајте личноста. Ако ја напнувате личнста со вас да ги сподели тешкотиите тоа може да има само спротивен ефект. Таа може да се оддалечи и да се затвори уште повеќе.

Бидете трпеливи. На некои луѓе им треба повеќе време и простор. Бидете тука за личноста и оставете ја таа самата да се отвори и да дојде кај вас.

Многу често потребно е професионална и стручна помош. Дадете и на личноста до знаење дека ја има целосно вашата подршка при таквиот чекор.

Не заборавајте на крајот од денот да обрнете внимание и на себе. Кога луѓето доаѓаат во допир со негативна енергија тоа знае да влијае многу на нивното расположение бидејќи сепак после се, иако енергијата е невидлива таа се пренесува и трансмитира. На крајот од денот одвоете неколку мигови за себе, релаксирајте се, заминете на прошетка и правете работи кои ве исполнуваат.

Што е ендометриоза и се што требате да знаете за неа

Што е ендометриоза? Тоа е неизлечива болест кај која се случува ендометриумот, кој е пак внатрешниот слој на матката, да почне да се шири надвор од неа. Ендометриозата се шири на површината на другите важни органи како што се јајниците и просторот околу нив, јајцеводите, лигаментите кои ја држат матката, просторот зад матката и сл. Ендометриоза е здравствен проблем со кој се соочуваат дел од жените. Една статистика тврди дека секоја десета жена има ендометриоза. Таа ги напаѓа жените помеѓу 15 и 44 години, најчесто во нивниот репродуктивен период. Ендометриозата како посебна состојба била прогласена во 1920тите години. Според една статистика направена во 2015 година бројот на жени заболени од ендометриоза е проценет на околу 10,8 милиони жени. Бројот на смртни случаи е мал.

Симптомите пак, варираат од жена до жена, бидејќи ние сепак сите сме различни, но како најкарактеристични симптоми можеме да ги издвоиме болки со најразличен интензитет во пределот на карлицата, долниот дел од рбетот, долниот дел од стомакот. Потоа болка при сексуални односи, болна и обилна менструација, болно мокрење додека трае менструацијата неплодност и др. Доколку препознавате некои од овие симптоми најдобро ќе биде да појдете на преглед кај вашиот лекар. Ендометриозата не ја исклучува можноста за зачнување но може да го отежни процесот. Раното откривање на ендометриоза го зголемува успехот за постигување бременост.

Зошто некои жени заболуваат од ендометриоза а други не, т.е. што е она што ја предизвикува болеста? Тоа се уште не може медицински да се утврди но сепак постојат заеднички фактори кои ги покажува статистиката. Такви се на пример семејна историја односно генетски фактор, потоа факторот бременост односно жените кои не биле бремени до сега имаат поголеми шанси од заболување. Потоа како причини може да се јават прекумерно конзумирање на алкохол и кофеин.

 

Што се однесува до третманот ендометриозата се третира со операција и со лекови кои ги намалуваат болките. Лекарот може да ви препорача да земате лекови против болки без рецепт како што се нестероидни антиинфламаторни лекови (НСАИЛ), ибупрофен (Адвил, Мотрин ИБ, други) или напроксен натриум (Алеве) за да ви помогне во олеснување на болните менструални грчеви.
Секако здравите навики и здравиот начин на живот можат да ги олеснат симптомите и да го превенираат развојот на болеста. Вежбањето и физичката активност значително можат да ги намалат болките и симптомите. Со самото вежбање го одржувате масното ткиво на соодветно ниво. Исто така со намалување на кофеинот и алкохолот се намалува ризикот од ендометриоза. Освен тоа и здравата исхрана е исклучително важна и се препорачува конзумирање на ферментирани продукти.

Ако имате некои од горенаведените симптоми или ако едноставно чувствувате дека нешто не е во ред консултирајте се со лекар и спречете го развојот на болеста на време. Не сте сами бидејќи жени од најразлични земји и најразлична возраст се соочуваат со истиот проблем. Ќе биде се во ред.

Научете да кажете “НЕ”

Дали чувствувате дека ако им кажете на луѓето НЕ тие ќе се налутат и разочараат? Дали ви е непријатно да кажете НЕ? Дали се чувствувате виновно кога ќе кажете НЕ? Дали кажувате ДА на работи на кои сакате да кажете НЕ а потоа се каете и сте под стрес поради тоа? Ако вашиот одговор е да тогаш уште на почетокот да ви кажам дека не сте сами. За многу од нас кажувањето НЕ е тешко. Како луѓе сакаме да бидме прифатени и сакани и веруваме дека ако кажеме НЕ со тоа ќе ги разочараме луѓето. Тоа чувство го имаме поради тоа што зборот НЕ го поврзуваме со нешто негативно. Раснејќи, зборот НЕ бил она од што најмногу сме се плашеле кога ќе сме ја прашале мајка ни дали може да останеме да играме уште или дали може да останеме до доцна со пријателите. Впечатокот дека зборот НЕ е негативен збор ни е всаден уште одамна. А вистината е дека, од НЕ може да излезе нешто позитивно.


Нема да најдете ниту една успешна личност, ниту една исполнета личност која не ја совладала уметноста на кажувањето НЕ. Сите тие знаат една работа; дека имаат право да кажат НЕ но исто така и дека мора да кажат НЕ за да успеат во своите големи цели и да се чувствуваат подобро. Сите тие знаат дека кажување НЕ на другите значи кажување ДА на себе си. Тие знаат дека кажувањето ДА кога сакате да кажете НЕ е најголемиот одзимач на енергија. Тие знаат дека немаме бесконечно енергија ни бесконечно време и за да ги исполниме работите кои сакаме да ги направиме мора да научиме да кажувам НЕ. Луѓето кога се млади најчесто го занемаруваат ова. Кажуваат ДА на сешто, на сите понуди со кои ќе дојдат со допир, ја расфрлаат својата енергија несвесно. Дури подоцна си ја осознаваат грешката. Многу луѓе и во своите четириести тврдат дека уште не научиле да кажуваат НЕ. Секогаш треба да водиме искрен разговор со себе. Секогаш треба да се прашуваме што сакаме од животот а потоа дали оваа одлука што ќе ја донесеме ќе не однесе на тоа место. Бидејќи нашите избори го креираат нашиот живот. А нашите НЕ и ДА исто така ни ги го креираат животот.

Па, како се кажува НЕ?

Едноставно само изговорете го тоа. Не ја продолжувајте реченицата. Не се оправдувајте и не давајте изговори бидејќи тоа говори дека сте несигурна личност. Не се извинувајте за вашето НЕ, не набројувајте цела листа на проблеми што ви се случуваат, само кажете НЕ.
Понекогаш нема ни да имате соодветен изговор. Понекогаш ќе го одбиете друштвото за излегување иако немате ништо посебно да правите во тој момент, иако само планирате да седите дома сами со себе бидејќи имате потреба да бидете сами и во тишина. И тоа е сосема во ред бидејќи тоа е ваше право и нема потреба да се објаснувате.
Секогаш бидете јасни во вашето НЕ. Не велете можеби. Не се согласувајте ако знаете дека на крајот ќе откажете со некој изговор. Испочитувајте ги луѓето со тоа што ќе им ја кажете вистината.
Одбивањето, кажувањето НЕ можете да го направите учтиво и културно ако го кажувате со смирен тон додавајќи благодарам без да навредите никого. Вистинските луѓе ќе ве разберат и нема да ви се лутат.
Не сакате да стигнете до крајот на вашиот живот и да сфатите дека времето и енергијата сте ги потрошиле на начин и на места на кој не сте сакале. Соберете храбост и кажете НЕ на она што не ве исполнува и ДА на себе си и вашата благосостојба.

Connect more with nature than with your WiFi

Можете да слушнете илјадници приказни за тоа како луѓе заминале во природа за да се пронајдат себе си, да најдат подлабоко значење на работите а потоа таму ги нашле одговорите кои ги барале. Дали природата ги има одговорите на вашите прашања не знам со сигурнот да ви кажам но сите истражувања на оваа тема во себе ја носат пораката дека всушност природата има магични моќи.
“Природата е гориво за душата” – вели Ричард Рајан, пистел и професор по психологија на Универзитетот во Рочестер. – “Многу често кога се чувствуваме потрошени посегнуваме по чаша кафе, но истражувањата покажуваат дека подобар начин за добивање енергија е конекцијата со природата” вели тој.
Се чини дека конекцијата со природа, освен што е насловот на статијата, е и решението на анксиозноста, истоштенсота, нискиот дух и расположение. Под конекција со природа не мислам секој викенд да одите да се искачувате по планини. Под конекција со природа мислам на прошетки надвор, да го гледате зајдисонцето, да засадите цвеќе па дури и пикник во дворот е еднаков на конекција со природата.
Зошто е важно да се поврземе со природата? Бидејќи природата има огромни бенефиции по нашето здравје. Една студија покажала дека луѓето кои поминуваат два часа неделно во природа имаат подобро физичко и психичко здравје од оние кои не го прават тоа.
Времето поминато во природа го намалува крвниот притисок, ја намалува анксиозноста, го намалува нивото на стресните хормони, го подобрува менталното здравје и го зголемува расположението. Природата ви помага да остварите подобри конекции, да се релаксирате и да бидете повеќе активни.

Во времиња на технологија се чини дека врската со природата е сведена на многу ниско ниво. Луѓето повеќе се конектираат со интернетот отколку со природата. Многу е полесно да заглавиме во безсмислено листање на Инстаграм отколку да отидеме на кратка прошетка пред спиење. Ако чувствувате дека вашата врска со природата е олабавена и дека ви треба малку од нејзината магија еве ви предлог на едноставни чекори со кои можете да ја обновите вашата врска и да се чувствувате повеќе енергични и полни со полет и задоволство.

Засадете цвеќе – може тоа да биде убаво цвеќе, некој зеленчук или овошје, најобично растение кое ќе го чувате покрај прозорецот.

Состанувајте се со вашите пријатели надвор наместо внатре

Ако сте некој што редовно вежба тогаш наместо да вежбате внатре правете го тоа во дворот или на балконот

Уживајте во зајдисонцето – одделете еден краток момент од денот за вас во кој ќе уживате во тишина и во убава глетка.

Организирајте пикнизи и излети во природа

Одете на прошетки почесто – создате си навика да пешачите. Не мора тоа да е секој ден но два до три пати во неделата е доволно за да почвствувате разлика.

Телефонот користете го само ако треба да сликате

Интересирајте се повеќе за природата – истражувајте за видовите цвеќиња, локални места каде зелената боја доминира, интересирајте се и поставувајте прашања за птиците, за растенијата, за тоа како се е поврзано

Септември е месец на грижа за себе

Последиот здив на летото се чувствува во воздухот додека есента почнува да ги распакува куферите и да се сместува пополека обележувајќи си ја територијата со намалени температури, прашлив ветер и чад од ќумбетите на кои се приготвува ајвар. Септември е на сцена и ја игра својата најдобра претстава. Но освен по учениците во клупите, жолтите листови и зимницата септември е познат по тоа што е Национален месец за подигнување на свеста за грижата за себе. Во брзи и бучни времиња како денешниве многу е лесно да се изгубиме во секојдневието и да заборавиме да водиме грижа на себе. Кога последен пат сте направиле нешто за прв пат? Кога последен пат сте ја наполниле кадата наместо брз туш? Кога последен пат сте пробале да цртате, да зготвите некој нов рецепт, да медитирате, да прочитате некоја книга? За тоа ви зборувам. Грижата за себе, за телото и умот, е нешто кое луѓето го ставаат на последен план. Кога всушност, треба да се наоѓа најгоре на листата. Икористете го септември како Национален месец за подигнување на свеста за грижата за себе и дајте си предизвик да направите повеќе работи за себе. Еве неколку наши предлози на кој начин да се релаксирате, да се посветите на себе, на своето физичко и ментално здравје и да се чувствувате подобро и поисполнето.

Започнете го денот со нешто убаво. Пригответе си кафе или чај. Отидете на 15минутна прошетка или џогирање. Не за џабе рекле денот по утрото се познава. Она расположение кое го имаме наутро многу често знае да не понесе во денот и целиот ден да ни зависи од него. Доколку го почнеме денот ведри и со нешто убаво целиот ден ќе има една повесела и поведра нота.

Почастете се себе си со нешто. Можеби нова чанта, нови чевли или убава вечера во ресторант. Купувањето нешто ново секогаш има убав ефект врз расположението.

Направете детоксикација од екраните. Пред спиење наместо да листате низ Инстаграм дадете си предивзик еден час пред спиење да не користите никакви екрани. Телефонот можете да го замените со книга.

Засадете цвеќе. Купете или засадете си цвеќе кое ќе можете да го чувате во вашата соба. Цвеќето има многу бенефиции како зголемување на расположението, намалување на стресот или чистење на воздухот.

Кажете НЕ ако сакате да кажете НЕ. Нашето време и енергија се ограничени и неповторливи и во ред е со нив да менаџираме како ние мислиме дека треба. Кажувајќи да на работи, дружења, вечери на кои сакате да кажете не само ќе ве измори додатно, ќе ви одземе од енергијата која сакате да ја потрошите на нешто друго.

Згответе си го омиленото јадење. Облечете се во комотна облека и пуштете си музика додека готвите. Јадете пополека, вкусете ја храната и уживајте во секој залак.

Дишете длабоко. 90% од луѓето не дишат правилно и дишат стресно и забрзано. Пробајте и ќе забележите колку опушта и го “симнува товарот од раменици”

Поминете време со своето милениче (ако го имате). Милениците ја имаат таа инстантна моќ да не расположат веднаш.

Отидете на ноќна прошетка. Наполнете ја кадата. Сварете си чај и легнете си една вечер порано од вообичаено.

Ако нешто ве измачува напишете го на хартија. Ќе се зачудите колку ќе ви олесни кога веќе ќе го ставите на хартија.

 

 

 

Зошто треба да си ја следиме интуицијата?

Животот не доаѓа со упатство за употреба но од друга страна доаѓа со емоции а тие се наш компас, патоказ, нешто што ќе ни го покаже вистинскиот правец кога се чувствуваме изгубени. Животот доаѓа со интуиција. Интуицијата е наш внатрешен ГПС систем. Интуицијата е она тивко гласче во себе кое ни шепоти што е најдобро да се направи. Но не секогаш ја слушаме интуцијата. Не ја слушаме бидејќи, првин, целиот свет не учи дека треба да ја следиме логиката а интуицијата не е логична и, второ, мислите во нашата глава се толку бучни и го надвикуваат тоа тивко гласче. Тоа се мисли на страв, двоумење, осудување. Тоа е кога интуцијата ти вели треба да почнеш свој бизнис но логиката ти кажува како ти ќе водиш бизнис без искуство, што знаеш ти за бизнис или што ли ќе кажат луѓето на тоа. Или кога твојот шеф не се однесува фер и е манипулативен а инстинктот ти вели дека треба да ја напуштиш работата но логиката те разубедува со тоа дека ова е сигурна работа, дека ти носи пари и дека ќе биде тешко да најдеш нова работа па така остануваш во место кое си несреќен и кое му штети на твоето ментално здравје. Понекогаш, може да биде и спротивно. Некој ти нуди работа што те возбудува и инспирира и иако интуицијата вреска да логиката ти вели не, ти вели дека е ризично а ти одлучуваш да ја послушаш.


Сите ние сме имале сигурно барем еднаш искуство со интуицијата. Сите ние сме имале ситуација во која сме знаеле дека нешто е така но не сме знаеле од каде знаеме. Сите ние некогаш сме ја послушале интуицијата и се воспоставило дека таа е во право. Зошто? Бидејќи интуицијата секогаш знае што е најдобро за нас. Има безброј примери на луѓе кои кога купуваат куќа и ја бираат според својата интуиција и оние кои се водат по логика и прават листа на предностите и недостатоците на секоја куќа. Во 90% од случаевите подоцна се воспоставува дека оние кои ја бирале куќата по интуиција го направиле подобриот избор. Има и други примери каде луѓе пред да доживеат сообраќајна несреќа предчувствувале дека нешто лошо ќе се случи. Интуицијата е многу помоќна од што мислиме. Пред донесување некоја одлука најважната личност која треба да ја прашаме за совет е нашата интуиција. Кој факултет да го запишам? Дали ова е вистинската личност за мене? Интуицијата го знае одговорот. Секако и мозокот го знае. Но мозокот ќе ти рече дека адвокатот зема повеќе пари од сликарот. Мозокот е логичен, но интуицијата е страствена, полна со верба и љубов.

Како да почнеме да ја слушаме интуицијата повеќе? Ослободувајќи се. Верувајќи повеќе во себе. Медитацијата е одлична вежба за контрола и смирување на мислите. Игри со карти во кои интуитивно ќе погодувате која карта ќе ја извлечете. Преземање акција во мигот кога ќе ви дојде нагон за тоа без да оставате време мозокот да почне да ве разубедува. Правење повеќе работи кои ве релаксираат и опуштаат – цртање, готвење, танцување.
Намалете ге тонот на вашите мисли и зголемете го оној на вашата интуиција и ќе видите како почнуваат  да се случуваат чуда. Интуицијата ќе ве одведе на местото каде што треба да стигнете.

22 модни комбинации за септември со стил

Последниот ден од август се потроши и септември тивко и на прсти се провлече низ улиците. Пред сонцето исцрта облаци, ги пушти првачињата да седнат во училишните клупи, кусите здолништа ги замени со панталони и ги натера луѓето да си ги извадат палтата скрени во плакарите. Септември замавна со волшебно стапче и го смени целиот амбиент на градот потсетувајќи го што беше тоа ветер и топол чај од нане. Летото е скоро зад нас и она што остана од него се добри спомени и слики. Нова, постудена сезона е на прагот и треба да ја дочекаме елегантно и со стил. Модните трендови кои се предвидуваат за есента 2021 се шик, впечатливи и модерни а ние одлучивме да ви ги прикажеме низ слики и текст.

Септември е најкреативниот месец во годината. Месец на бескрајни модни комбинации. Во септември можете да облечете било што почнувајќи од шорцеви завршувајќи со чизми а сето тоа да изгледа нормално, кул и естетски.

Кошулите оваа сезона искомбинирани со џемперче и чизми ќе бидат најносени. Кога сме кај чизмите веќе по улиците можат да се забележат девојки кои ги извадиле зимските чизмички од плакарот и ги комбинираат со шорцеви, сукњи па дури и фустани. Есен 2021 дефинитивно ќе биде сезона на чизмите.

Освен ахроматски нијанси и комбинации ќе бидат актуелни и оние со многу бои, со живост и енергија. После се есента е сепак сезона на боите.

Издвоивме и неколку слики со урбан едноставен стил.

Карираниот дезен е актуелен секоја сезона а во есен ќе го гледаме на сукњи, палта, пнаталони и чанти.

Бидејќи есента во ракавот чува и уште неколку топли денови за тие се уште можете да се облечете во фустан и да поуживате во последното сонце за годинава.

Оваа есен и комбинезоните ќе го имаат својот момент.

Битете креативни и дочекајте ја есента со стил. Уживајте во облеката и носте го само она во кое се чувствувате удобни.